२९ श्रावन २०७८, शुक्रवार
सर्लाही । लालबन्दी नगरपालिका २ नवलपुरमा टिपरको ठक्करबाट एक जनाको मृत्यु भएको छ।
बागवानी जंगलबाट घाँस लिएर मोटरसाइकलमा घर फर्कँदै गरेका जुटपानी का ४० वर्षीय रामललित महतोको घटनास्थलमै मृत्यु भएको हो। ना७ख ८२९३ नम्बरको टिपरले मोटरसाइकललाई ठक्कर दिएको हो।
प्रहरीले ट्रक नियन्त्रणमा लिएको छ भने चालक फरार भएका छन्।
दुर्घटनापछि आक्रोशित स्थानीय र आफन्तले राजमार्ग अवरुद्ध पारेका छन्। त्यहाँ अहिले ठूलो संख्यामा प्रहरी परिचालन गरिएको छ। प्रहरीसँग स्थानीयको झडपसमेत भएको थियो। उक्त क्रममा प्रहरीले भीड नियन्त्रण गर्न केही थान अश्रुग्यास पनि प्रहार गरेको थियो।
