२० श्रावन २०७८, बुधवार
नेकपा एमालेका वरिष्ठ नेता झलनाथ खनालको दिल्लीमा मिर्गौला फेरिएको छ ।
उनको केही समयअघि दिल्लीको एपोलो अस्पतालमा डाक्टर अखिल मिश्राको नेतृत्वमा उपचार भइरहेको थियो ।
डाक्टर सन्दीप गुलेरियाको नेतृत्वमा रहेको टिमले उनको मिर्गौलाको प्रत्यारोपण सफलतापूर्वक सम्पन्न गरेको उनको सचिवालयले जनाएको छ । ‘अब उहाँ केही समय अस्पतालमै आराम गर्नुहुनेछ र आराम भएपश्चात् नेपाल फर्किनु हुनेछ’, उनका स्वकीय सचिव कृष्ण भट्टराईले फेसबुकमा लेखेका छन् ।
स्वास्थ्यमा समस्या आएपछि गत असार २ गते उनलाई दिल्ली लगिएको थियो । उनलाई नेपाल सरकारले मृगौला उपचारका लागि ३० लाख सहयोग गरेको समाचार आएको थियो ।
