३० आषाढ २०७८, बुधवार

रुकुम पश्चिमको मुसिकोट नगरपालिका ३ स्थित यमुनानन्द माध्यमिक विद्यालयमा रहेका कम्प्युटर चोरी गरेको आरोपमा प्रहरीले एक युवालाई पक्राउ गरेको छ ।

पक्राउ पर्नेमा मुसिकोट नगरपालिका–१ बस्ने २१ बर्षका राजु विश्वकर्मा रहेको प्रहरीले जनाएको छ ।

गत आइतबार राती विद्यालयबाट एक थान डेस्कटप कम्प्युटर सेट र ल्यापटप चोरी भएका थिए ।

उनलाई चोरी भएका सामानसहित पक्राउ गरिएको जिल्ला प्रहरी कार्यालय रुकुम पश्चिममा सुचना अधिकारी प्रहरी निरीक्षक कपिलजंग शाहीले बताए ।