२८ आषाढ २०७८, सोमवार
इलाका प्रहरी कार्यालय लाहानको प्रहरी हिरासतबाट एक थुनुवा फरार भएको घटनामा तीनजना प्रहरी निलम्बनमा परेका छन्। लागुऔषध कारोबारको आरोपमा फक्राउ परेका सिरहाको नवराजपुर नगरपालिका १ बस्ने पशुपति यादव शुक्रबार राति हिरासतको ग्रिल तोडेर फरार भएका थिए।
सो घटनामा सुरक्षामा खटिएका प्रहरी सहायक निरीक्षक, प्रहरी हबल्दार र एक प्रहरी जवानसहित तीन प्रहरीलाई निलम्बन गरिएको सिरहाका प्रहरी नायव उपरीक्षक सुवास बुढाथोकीले जानकारी दिए। घटनाको विषयमा थप अनुसन्धान सुरु गरिएको बुढाथोकीले बताए।
