२८ चैत्र २०७७
रामेछापको दोरम्बा गाउँपालिकाको नाम संशोधन भएको छ ।
गाउँसभाको सिफारिसमा दोरम्बा गाउँपालिकालाई दोरम्बा शैलुङ गाउँपालिका नामाकरण भएको हो।
गाउँसभाबाट पालिकाको नाम संशोधन गर्ने प्रस्ताव पारित गरी नेपाल सरकारलाई अनुरोध गरिएको थियो ।
चैत २३ गतेको मन्त्रिपरिषद् बैठकले उक्त नाम संशोधन गर्ने निर्णय गरेको हो ।
तामाङहरुको बाहुल्यता रहेको दोरम्बा क्षेत्रमा पर्ने शैलुङ ऐतिहासिक र पर्यटनको हिसावले महत्वपूर्ण मानिन्छ ।
तामाङ भाषामा सै भनेको सय र लुङ भनेको थुम्का भन्ने अर्थ लाग्ने भएकोले पनि उक्त क्षेत्र तामाङ जातिका लागि विशेष महत्व राख्ने भएकाले पालिकाको नाममा शैलुङ थप्ने प्रस्ताव राखिएको थियो ।
यसअघि रामेछापको लिखु गाउँपालिकाको नाम संशोधन गरी लिखु तामाकोसी गाउँपालिका बनाइएको थियो ।
+977 986-4882241
rastradaily@gmail.com