३ माघ २०७७, शनिवार
मलेशियाको एक कम्पनीमा कार्यरत चारजना नेपालीमा कोरोना भाइरस (कोभिड-१९) को संक्रमण देखिएको छ ।
क्वालालम्पुर स्थित राल्को प्लाष्टिक कम्पनीमा कार्यरत चारजना नेपालीलाई कोभिड संक्रमण पुष्टि भएको हो ।
७० जना भन्दा बढी नेपाली कार्यरत सो कम्पनीमा नेपाली बाहेक अन्य मुलुकका नागरिकलाई पनि कोभिडको संक्रमण देखिएको मलेसियामा रहेका एक नेपालीले जानकारी गराएका छन ।
सो कम्पनीले प्लाष्टिकका बाल्टि, बाटा लगायतका सामग्री निर्माण गर्ने गर्दछ ।
यसअगाडी मलेशियाको टप ग्लोव्स कम्पनीमा कार्यरत नेपालीलाई ठूलो संख्यामा संक्रमण भएको थियो ।
पछिल्लो तथ्याँक अनुसार मलेशियामा १ लाख ५१ हजार ६६ जनामा कोभिडको संक्रमण देखिएको छ ।
त्यसमध्ये ३५ हजार सकृय संक्रमित रहेका छन् भनें १ लाख १५ हजार २ सय २७ जना निको भएका छन् ।
हालसम्म मलेशियामा कोभिड-१९ का कारण ५ सय ८६ जनाले ज्यान गुमाएका छन् ।
प्रतिक्रिया
सम्बन्धित खवर
