३२ श्रावन २०७७, आइतवार

कोरोना भाइरस (कोभिड १९) संक्रमणका कारण विदेशमा १ सय ९१ जना नेपालीको मृत्यु भएको छ । एनआरएनएका अनुसार भारतमा यो साता थप २ जनाको कोरोनाका कारणले निधन भएको छ ।
विश्वमा ३८ देशमा रहेका नेपाली कोरोना भाइरसबाट संक्रमित भएको मध्ये १६ देशमा रहेका नेपालीको कोरोनाका कारणले मृत्यु भएको हो ।
कोरोना भाइरसका कारण बेलायत, युएई, साउदी अरब, बहराइन, कुवेत, कतार, आयरल्याण्ड, जापान, टर्की, नेदरल्याण्ड र स्वीडेन, भारत, नेपाल, साउथअफ्रीका लगायतका देशमा रहेका नेपालीहरुको ज्यान गएको थियो।
एनआरएनएको स्वास्थ्य समितिका संयोजक डा संजीव सापकोटाका अनुसार यो साता भारत, अष्ट्रेलिया, बेल्जियम, पोल्याण्ड, फ्रान्स, कतार, साउदी अरेवियामा रहेका नेपालीमा थप नयाँ संक्रमण देखिएको छ । संघका अनुसार गत हप्ताको तुलनामा मध्यपूर्वका देशहरु कतार, युएई, साउदी अरब लगायतका देशमा कोरोना संक्रमणको दरमा कमि आएको छ। यो साता अष्ट्रेलिया रहेका १४६ जना नेपालीमा नयाँ संक्रमण थपिएको समितिले जनाएको छ ।
संघका अनुसार लग्जेम्वर्गमा करिब दुई दर्जन नेपालीमा कोरोना संक्रमण रहेको छ। ती सबै आइसोलेसनमा रहेका छन ्। लग्जेम्वर्गमा थप संक्रमण देखिएको छैन्।