२१ पौष २०७७, मंगलवार
पुस २५ गते देखि नेपाली काँग्रेसले सुरु गर्न लागेको देशव्यापी आन्दोलनमा नेपाल तरुण दलको सशक्त भूमिका रहने भएको छ ।
नेपाल तरुण दलका केन्द्रिय अध्यक्ष जित जंग बस्नेतले विज्ञप्ती जारी गर्दै आन्दोलनलाई पूर्ण रुपमा सफल पार्न सबै जिल्ला अन्तर्गतका सबै तह, तप्का र निकायका तरुणहरुलाई सहभागी हुनको लागि निर्देशन गरेका छन् ।
विज्ञप्तीमा पुष २५ देखि माघ ८ गते सम्म हुने आन्दोलनमा तरुणहरुको पूर्ण सहभागिता हुने र आन्दोलनलाई देशभर सफल पार्न अनुरोध गरिएको छ
प्रेस विज्ञप्तीमा जानकारी दिए अनुसार पुस २५ गते शनिबार ३३० प्रदेश सभा निर्वाचन क्षेत्रहरुमा, माघ ३ गते देशैभरका ७५३ पालिकाहरुमा र माघ ८ गते देशैभरका ७५३ पालिकाहरुका ६,७४३ वडाहरुमा विरोध प्रदर्शन एवं सभाको आयोजना गर्ने उल्लेख गरिएको छ ।
