१२ पौष २०७७, आइतवार

सल्यानको दार्मा गाउँपालिका ३ फारुलाको मुख्य बजारमा निर्माण भएको सहिद गेटमा राखिएका सहिदहरुको प्रतिमा एक कार्यक्रमको आयोजना गरी अनावरण गरिएको छ ।

दार्मा गाउँपालिका सहिद समाज दार्माको आयोजना र दार्मा गाउँपालिकाको आर्थिक सहयोगमा निर्माण गरिएका  जनयु’द्ध र जनआन्दोलनमा शा,हदत प्राप्त व्यक्तिहरुको प्रतिमा अनावरण गरिएको हो ।

संघीय गणतन्त्रका निम्ती लडेका गाउँपालिकाका २३ जना सहिदका साथै लखन थापा, धन बहादुर थापा र दिल बहादुर रम्तेलको समेत प्रतिमा रहेको जनक्रान्तीका महान सहिद परिवार समाजका प्रतिनिधि अनिल चन्दले जानकारी दिएका छन ।

अनावरण कार्यक्रममा दार्मा गाउपालिका अध्यक्ष निम बहादुर केसी, उपाध्यक्ष टिका शर्मा कार्यपालिका सदस्यहरु, सबै वडाका वडा अध्यक्षहरु, नेकपा कर्णाली प्रदेश परिषद् सदस्य सिपि ओली, सल्यान जिल्ला समन्वय समिति सदस्य पोखर राज केसी दार्मा सहिद समाजका अध्यक्ष पुर्ण बहादुर राणा,सहिद परिवार अनिल चन्दलेलगायतले जनयुद्ध र जनआन्दोलनका बारेमा मन्तव्य राखेका थिए ।