५ पौष २०७७, आइतवार
एसियन लाइफ इन्स्योरेन्सले जीवन बीमा कोष २३ अर्ब ६ करोड पुर्याएको छ। वीरगन्जमा शनिबार आयोजित ११ औं वार्षिक साधारणसभामा कम्पनीले कोष वृद्धिसँगै कर्जा लगानी र बीमा शुल्क आर्जन बढाएको जानकारी दिइएको हो। लगानी र कर्जा २४ अर्ब १६ करोड पुर्याएको कम्पनीले चालु वर्षको मंसिरसम्ममा बीमा शुल्कतर्फ २ अर्ब ३२ करोड रूपैयाँ आर्जन गरेको छ। समितिका तर्फबाट अध्यक्ष दीपककुमार श्रेष्ठले प्रस्तुत गरेको कम्पनीको २०७४र७५ को वार्षिक प्रतिवेदन पारित भएको छ।
कम्पनीले बालबालिका लक्षित बाल भविष्य, पेन्सन, सावधिक, अग्रिम भुक्तानी सावधिक, सुखी जीवन, नवरत्न, सुरक्षा प्लस, धन समृद्धि, धनलाभ र कर्जा सुरक्षासहित २२ प्रकारका बीमा योजनाहरू सञ्चालन गरेको निमित्त कार्यकारी अधिकृत होमबहादुर श्रेष्ठले बताए।
