३० मंसिर २०७७, मंगलवार
एजेन्सी । अमेरिकामा कोरोना खोपको पहिलो डोज सोमबार दिइएको छ । खोपको पहिलो डोज न्यूयोर्ककी नर्स सान्द्रा लिन्डसेलाई दिइएको छ । कोरोना खोप कार्यक्रम प्रत्यक्ष टिभीमा पनि देखाइएको थियो । कोरोनाको खोप लिइसकेपछि नर्सले भनिन्, ’म आज धेरै आशावादी र मुक्त छु । ‘राष्ट्रपतिले पनि ट्वीट गरेर आफ्नो खुशी व्यक्त गरेको छन ।
आफ्नो ट्विटरमा लेखेका छन्, ’खुशी अमेरिकामा पहिलो खोपको डोज दिइयो ।’ अमेरिकी औषधि निर्माता फाइजरले बहुप्रतिक्षित कोविड १९ खोपको पहिलो समूहलाई फाइजरको मिशिगन स्थित गोदाममा पठाएको छ । यो खोप हालसालै अमेरिकाले स्वीकृत दिएको हो । कोविड १९ खोपको साथसाथै अमेरिकाको इतिहासमा सबैभन्दा ठूलो खोप अभियान पनि शुरु भएको छ ।
यी खोपहरू अमेरिकाका विभिन्न ६३६ स्थानमा डेलिभर गरिनेछ । अमेरिकी खाद्य तथा औषधि प्रशासन (एफडीए) ले शुक्रबार यस खोपको आपतकालीन प्रयोगलाई अनुमोदन गरेको थियो ।
