१६ कार्तिक २०७७, आइतवार
गैँडाको आक्रमबाट नवलपरासीपूर्व नवलपुरमा आज एक जनाको मृत्यु भएको छ। नवलपरासीपूर्व नवलपुरको देवचुलीनगरपालिका-१७, कुलेनीमा गैँडाको आक्रमणमा परी ६५ वर्षीय जङ्गीलाल मुखियाको मृत्यु भएको हो । आज बिहान ५ बजे खेतमा तोरी छर्न जाने क्रममा उनलाई गैँडाले आक्रमण गरेको थियो। उद्धार गरी उपचारका लागि भरतपुर लैजाने क्रममा बाटोमा नै ज्यान गएको वडाध्यक्ष विष्णुप्रसाद आचार्यले बताए।
