१३ कार्तिक २०७७, बिहिवार

रौतहटमा कोरोना भाइरस संक्रमणका कारण  थप एक जनाको ज्यान गएको छ। चन्द्रपुर–१० बाल्चनपुर की ४३ वर्षीया महिलाको कोरोना संक्रमणबाट उपचारका क्रममा चितवन मेडिकल अस्पतालमा मृत्यु भएको हो।   यससँगै जिल्लामा कारोना संक्रमणबाट मृत्यु हुनेको संख्या १२ पुगेको छ।  मिर्गौला रोगी महिलालाई उपचारका लागि यही कात्तिक ६ गते चितवन अस्पताल लगिएकामा स्वाब संकलनपछि बुधबार दिउँसो मृत्यु भएको थियो। पिसिआर रिपोर्ट भने राति मात्र आएको थियो।