२९ असोज २०७७, बिहिवार

नक्कली भिसा देखाएर क्रोएसिया पठाउने आश्वासनमा ठगी गर्ने दुई जना पक्राउ परेका छन्। सप्तरी डाक्नेश्वरी नगरपालिका-६ औरहीका २५ वर्षीय मोहम्मद सहजाद आलम र ४३ वर्षीय सुकमान वाईवालाई पक्राउ गरेको हो।महानगरीय अपराध महाशाखाको टोलीले उनीहरूलाई बुधबार बानेश्वर र कपनबाट पक्राउ गरेको प्रहरी उपरीक्षक ईश्वर कार्कीले जानकारी दिए। उनीहरूले क्रोएसियामा रोजगारी गर्न पठाइदिने भन्दै ९ जना व्यक्तिहरूसँग तीन लाख सात हजार रूपैँया ठगी गरेका थिए। उनीहरूमाथि प्रहरीले थप अनुसन्धान गर्न महानगरीय प्रहरी परिसर काठमाडौं पठाएको छ।


प्रतिक्रिया

सम्बन्धित खवर