आफ्नो २२ औँ वार्षिकोत्सवको अवसरमा घोषणा गरे बमोजिम १२ वर्षपछि एअरलाइन्सले पुनः आजबाट बाराको सिमरा विमानस्थलमा उडान सुरु गरेको एअरलाइन्सका प्रमुख सुरक्षा अधिकृत तथा प्रवक्ता सुदर्शन बर्तौलाले बताए।

“अब सिमरा नियमित रुपले दैनिक २ उडान हुनेछन र यात्रुहरुको माग भए उडान संख्या थप गर्न सकिने छ उनले भने ।

यतीले काठमाडौँ– सिमरा–काठमाडौँका लागि प्रमोशनल शुरुवाती भाडा १ हजार ९९९ तोकेको छ ।

विस २०५५ सालदेखि यात्रुलाई सेवा प्रदान गर्दै आएको यती एअरलाइन्समा हाल एटिआर–७२ पाँच, जेटस्ट्रिम–४१ पाँच र भगिनी संस्था तारा एअरका ट्वीनवटर विमान चार गरी १४ विमान सञ्चालनमा रहेका छन् । यती एअरलाइन्सले हाल पोखरा, विराटनगर, नेपालगञ्ज, भरतपुर, जनकपुर, भद्रपुर, भैरहवा, तुम्लिङटार, सिमराका साथै काठमाडौँ र पोखराबाट पर्वतीय उडान गर्दै आएको छ ।