१ असाेज । बुटवलमा रहेको अनलाईन पोर्टल ग्लोबल आवाज डट कमको कार्यालयमा ढुंगा प्रहार भएको छ। बुधबार राती कार्यालयको समाचार कक्ष र व्यवस्थापन कक्षलाई लक्षित गरेर ढुंगा प्रहार भएको हो।
ढुंगा प्रहारबाट समाचार कक्षनजिकको झ्यालको शिसा फुटेको छ। बुटवलको होराइजन चोकभन्दा केही भित्रपट्टिको भवनको तेश्रो तलामा ग्लोबल आवाजको कार्यालय रहेको छ।
ग्लोबल आवाजका सम्पादक एनबी कँडेलले ढुंगा प्रहारबाट समाचार कक्षमा क्षति भएको बताए। ‘हामीसँग समाचारको विषयलाई लिएर वा अरु कुनै विषयमा विवाद भएको वा त्यस्तो कुनै रिसइबी थिएन-उनले भने-कसले किन ढुंगा प्रहार गर्यो भन्ने अनुसन्धानपछि खुल्नसक्छ।’
नेपाल पत्रकार महासंघ रुपन्देहीका उपाध्यक्ष दिनेश पाण्डेले घटनास्थलको अवलोकन गर्दै छानबीन गर्न प्रहरीलाई आग्रह गरेका छन्।
प्रतिक्रिया
सम्बन्धित खवर
