१७ भाद्र २०७७, बुधवार

तीजको अवसरमा प्रवासी नेपाली एकता मञ्च स्पेनले आयोजना गरेको अनलाइन नृत्य प्रतियोगितामा बिल्बाउ निबासी रिस्ता सुनार प्रथम भएकि छिन ।
२२ जना प्रतियोगीहरुले भाग लिएको प्रतियोगितामा बार्सिलोनाकि सोनिया सोनिया भण्डारी द्धितिय र शिक्षा भट्टराई तेश्रो भएकि छिन ।
प्रतियोगिताका विजेताहरुले प्रथमले २ सय १ युरो, दोस्रोले १ सय ५१ युरो र तेस्रो स्थान ल्याउनेले १ सय १ युरो नगदसहित प्रमाणपत्र प्राप्त गरेका छन् ।
फेसबुकमा सेयर भएको भिडियोमा प्राप्त लाइक र कमेन्टलाई आधार मान्दै ३० प्रतिशत र बाँकी निर्णायक मण्डलको निर्णयबाट मूल्यांकन गरिएको थियो ।
निर्णायकहरुमा नृत्य निर्देशक शंकर बिसी, ईनास युरोपका संयोजक शन्त कुमार थापा र विश्व कलाकार संघ स्पेनका उपाध्यक्ष अजय लोप्चन रहेका थिए ।


प्रतियोगितामा रिचा पन्त (पाईसभास्को), सुमित्रा सिग्देल (म्याड्रिड), दिया भण्डारी (बार्सिलोना), सुस्मिता गिरी (म्याड्रिड), रिस्ता सुनार (बिल्बाउ), श्रिया उपाध्याय (बार्सिलोना), मेरिना सुबेदी (बार्सिलोना), मोनिका खनाल (बार्सिलोना), लिदिया भुसाल (बार्सिलोना), ईसिका अधिकारी (बार्सिलोना) र नविना पुन (म्यालेन्सिया) ले भाग लिएका थिए । यसैगरी सिरिसा दाहाल (बिल्बाउ), शिक्षा भट्टराई (बार्सिलोना), नेयसा श्रेष्ठ (बार्सिलोना), सुजता कँडेल (बार्सिलोना), सरिता सिग्देल (म्याड्रिड), स्वेता आचार्य (बार्सिलोना), सोनिया भण्डारी (बार्सिलोना), इन्द्रवती श्रेष्ठ (म्याड्रिड), प्रेरेना रिजाल (बार्सिलोना), अनिता कार्की (म्याड्रिड) र बिबिका गौतम (बार्सिलोना) पनि सहभागी बनेका थिए।

सोमबार सम्पन्न अनलाइन कार्यक्रममा प्रमुख अतिथिको रुपमा बोल्दै स्पेनका लागि नेपाली राजदूत दावाफुटी शेर्पाले कार्यक्रम निरन्तरताका लागि शुभकामना व्यक्त गर्दै यस्ता गतिविधिले नेपाली कला र संस्कृतिको पहिचान झल्कने बताइन् ।

प्रतिक्रिया

सम्बन्धित खवर