४ माघ २०७७, आइतवार
विराटनगर–७ स्थित अवधनारायण मेमोरियल अस्पताल तोडफोड भएको छ ।
बेलबारी–८ निवासी ३२ वर्षीया सजना राईको पित्तथैलीमा भएको पथ्थरीको शल्य क्रियापछि मृत्यु भएको घटनामा पीडितको माग सुनुवाई नगरी व्यवस्थापन पक्ष भागेपछि आइतबार तोडफोड भएको हो ।
प्रहरीले तोडफोडमा संलग्न रहेको आरोपमा मृतकी दिदी सरिता राई तथा जीतेन लिम्बूसहितलाई पक्राउ गरेको छ । प्रहरीले अस्पताल परिसरमा कसैलाई पनि पस्न दिएको छैन ।
अस्पतालका सञ्चालक तथा चिकित्सकसँग शनिबार पीडितका आफन्तले आइतबार अप्रेशनमा संलग्न चिकित्सक समेतको उपस्थितिमा छलफल गर्ने सहमति गरेका थिए ।
तर, शनिबार आफन्त आउँदा अस्पतालको गेटमा ताला लगाएर सञ्चालक भागेको भन्दै आक्रोशित उनीहरुले तोडफोड गरेको दावी छ ।
अस्पतालको सुरक्षाका लागि प्रहरीको बाक्लो उपस्थिति रहेको छ ।
पीडितका पक्षमा बेलबारीबाट सयौंको संख्यामा आफन्त तथा छरछिमेक विराटनगर आएका छन्
गत पुस २८ गते अस्पतालमा भर्ना भएकी राईको त्यहि साँझ अप्रेशन गरिएको थियो ।
अप्रेशनपछि स्वास्थ्य अवस्या बिग्रदै जाँदा राख्ने आईसीयू लगायतको सुविधा नभएको भन्दै वीपीमा रेफर गरिएकी राईको माघ २ गते निधन भएको थियो ।
प्रतिक्रिया
सम्बन्धित खवर
