४ माघ २०७७, आइतवार

एजेन्सी । भारतमा कोरोनाविरुद्ध खोप अभियानअन्तर्गत पहिलो दिन शनिबार करिब २ लाख व्यक्तिले खोप लगाएका छन् ।


हिजो १ लाख ९१ हजारलाई खोप दिइएको त्यहाँको केन्द्रीय स्वास्थ्य मन्त्रालयले जनाएको छ ।

विश्वकै ठूलो खोप अभियान अन्तर्गतको खोप अभियानमा ३ हजार ३ सय ५१ सत्रमार्फत कोभ्याक्सिन र कोभिसिल्डको खोप दिइएको हो ।

खोप लगाएकामा कुनै समस्या नदेखिएको भारतीय स्वास्थ्य मन्त्रालयले दाबी गरे पनि दिल्लीमा खोप लगाएका केहि व्यक्तिमा एलर्जीको समस्या देखिएको भारतीय सञ्चारमाध्यमहरुले जनाएका छन् ।

उनीहरुलाई स्थानीय प्रशासनको निगरानीमा राखिएको बताइएको छ ।

यसैबीच, भारतको बायोटेककले कोभ्याक्सिन खोप लगाए पछि कसैलाई गम्भीर प्रतिकूल प्रभाव देखिएमा त्यसको क्षतिपूर्ति दिने घोषणा गरेको छ ।

खोप लगाउनु अघि भरेको फारममा नै प्रतिकूल वा गम्भीर प्रभाव भएमा सरकारी अस्पताल र चिकित्सकबाट उपचार प्रदान गरिने उल्लेख छ ।

यता, राम मनोहर लोहिया (आरएमएल) अस्पतालको रेजिडेन्ट चिकित्सक एसोसिएसनले अक्सफोर्डद्वारा उत्पादित खोप मात्र लगाउन अनुरोध गरेको छ ।

आरडीएले मेडिकल सुपरिटेन्डेन्टलाई पत्र लेख्दै रेजिडेन्ट चिकित्सकहरुलाई कोभ्यासिनमा सन्देह भएको भन्दै खोप अभियानमा भाग नलिने पनि स्पष्ट पारेको छ ।

प्रतिक्रिया

सम्बन्धित खवर