७ पौष २०७७, मंगलवार
राष्ट्रिय प्रजातन्त्र पार्टीले एकताको पहिलो महाधिवेशन आउँदो बैशाख २५ गते देखि २८ गतेसम्म काठमाडौंमा गर्ने भएको छ । पार्टी कार्यसम्पादन समितिको बैठकले महाधिवेशन कार्यतालिका सार्वजनिक गरेको हो ।
हिन्दु राज्य र राजसंस्था पुनः स्थापनाका लागि देशभर संघर्षको कार्यक्रम बैठकले सार्वजनिक गरेको भुवन पाठकले जानकारी दिनुभयो । पार्टीले पुस १२ गते देशभरका प्रमुख जिल्ला अधिकारीमार्फत हिन्दु राज्य र राजसंस्थाको माग गर्दै ज्ञापनपत्र बुझाउने र १७ गते काठमाडौंमा वृहत्त शक्ति प्रदर्शन गर्ने निर्णय गरेको छ ।
