काठमाडौं महानगरपालिकाले पूर्वराजा ज्ञानेन्द्र शाहलाई तीनकुनेमा चैत १५ गते भएको आन्दोलनलाई लिएर जरिवाना तोकेको निर्णयप्रति राष्ट्रिय प्रजातन्त्र पार्टी (राप्रपा) का वरिष्ठ नेता कमल थापाले कडा आपत्ति जनाएका छन्।
उनले उक्त निर्णयलाई ‘हास्यास्पद’ भन्दै महानगरले गल्ती गरेको बताएका छन्।
“गलत ठेगानामा पठाइएको पत्र जस्तो ‘स्टण्ट’ भयो। मेयर बालेन साहबाट यस्तो त्रुटि कसरी भयो होला, म अलमलमा छु,” नेता थापाले प्रश्न गरे।
उनले संयुक्त जनआन्दोलन समिति र नागरिक बचाउ अभियानले जिल्ला प्रशासन कार्यालयसँग अनुमति लिएर कार्यक्रम गरेको उल्लेख गर्दै, महानगरपालिकाले रेकर्ड हेर्नुपर्ने सुझाव दिएका छन्।
“पत्रको भाषा पनि अशिष्ट र अमर्यादित छ। राजा भन्ने कुरा छोडौं, उहाँ पूर्वराष्ट्राध्यक्ष पनि हुनुहुन्छ भन्ने कुरा महानगरले हेक्का राख्नुपर्थ्यो,” थापाले भने।
उनले महानगरलाई उक्त पत्र फिर्ता लिनु पर्छ भनेका छन्।
#Rastra Daily
प्रतिक्रिया
सम्बन्धित खवर
