२०७८ फाल्गुन ६, शुक्रबार
गायक श्रीकृष्ण लुइटेल (बोकेदाह्री)को नयाँ गीत ‘सररर इन्जिने गाडीमा’ सार्वजनिक भएको छ ।
उनले आफ्नै युट्यब च्यानलमार्फत गीतसार्वजनिक गरेका हुन् । श्रीकृष्ण लुइटेल र मनीषा पोखरेलको स्वर रहेको गीतमा शब्द र सङ्गीत पनि लुइटेलकै रहेको छ । उक्त गीतमा जोनी योञ्जनको एरेन्ज रहेको छ ।
सुमन योन्जनको छायाङ्कन रहेको गीतको भिडियोमा गायक बोकेदाह्रीका साथै अन्जली माझी, रमेश भट्टराई, खेमराज भट्टराई, मिलन परियार, मेनुका गिरी, सञ्चिता पञ्चकोटी र समृद्धि ओझालगायतको अभिनय रहेको छ ।
उनले पछिल्लो समय ‘एक्का ट्रायल’, ‘केराको थम्बा’, ‘साली कमला–२’ र ‘गीत बज्यो ट्याक्सीमा’ बोलका गीत पनि सार्वजनिक गरिसकेका छन् ।
उनका ‘ए बा किन्देउ न भटभटे’, ‘बाँके बर्दिया’, ‘मुखमा हान्नु जस्तो’, ‘तेरो बाउ थोते’लगायतका दर्जनौँ गीत चर्चित छन् ।
